U-BSS kompaniyasi operatorlarning aloqa ko‘nikmalarini baholash va takomillashtirish uchun mo‘ljallangan SI-trenajyorini taqdim etdi
Zamonaviy aloqa markazlari xodimlar almashinuvining yuqori darajasi, xodimlarni muntazam ravishda o‘qitish zaruriyati va ularning ish ko‘rsatkichlarini xolisona baholash bilan bog‘liq qiyinchiliklarga duch kelmoqdalar.
U-BSS kompaniyasi mijozlarga xizmat ko‘rsatishni raqamlashtirish doirasida biznes jarayonlarini optimallashtirish sohasida ulkan tajriba va ekspertizaga ega bo‘lgani bois o‘qitishga innovatsion yondashuv – rol o‘yinlari va suhbat simulyatsiyalari shaklida mashg‘ulotlar o‘tkazadigan yangi mahsulotni taklif etmoqda.
Sun’iy intellekt trenajyori oldindan tayyorlangan skriptga ko‘ra o‘quv ssenariylarini ishlab chiqish imkoniyatini taqdim etadi. Foydalanuvchi suhbatning borishi va “mijozlarning” emotsional holatini sozlay oladi. Trenajyorda haqiqiy muammolar va mijozlarning xulq-atvor modellariga asoslangan tayyor shablonlar nazarda tutilgan bo‘lib, bu o‘qitish samaradorligini oshiradi. Tizim ham ovozli ham matnli formatda ishlashni qo‘llab-quvvatlaydi. To‘plangan ma’lumotlardan foydalanib, LLM modeli tayinlangan ssenariyni ko‘zda tutib va operatorning javoblariga moslashgan holda mijozning xatti-harakatlarini asliday qaytaradi.
SI trenajyori omnikanal suhbat platformasiga integratsiya qilingan va U-BSS ning boshqa yechimlari bilan mos kelib, operatorlarni tayyorlashning barcha bosqichlari avtomatlashtirilishini ta’minlaydi.
- Nutq tahlili. Aloqa markazi xodimlarining ishi nutq tahlil tizimidan foydalangan holda baholanadi. Agar operator ma’lum bir ko‘nikma bo‘yicha talab etiladigan KPI ko‘rsatkichlariga muvofiq bo‘lmasa, unga bilim yoki ko‘nikmalardagi kamchiliklarni bartaraf etish uchun tegishli treningga havola avtomatik tarzda yuboriladi.
- Suflyor. Mijoz bilan muloqot paytida operator o‘rnatilgan suflyor funksionali tufayli suhbatni to‘g‘ri olib borishga yordam beradigan yo‘l-yo‘riqlarni oladi.
- Bilimlar bazasi. SI dan foydalangan holda testdan o‘tishdan oldin yoki keyin xodimlar mustaqil o‘rganish uchun foydali materiallarni o‘z ichiga olgan bilimlar bazasidan foydalanishlari mumkin. Treninglarga, shuningdek, kompaniyaning ichki platformalarida mavjud bo‘lgan maqolalar ilova qilinadi.
- Biznes-jarayonlar konsaltingi. U-BSS maslahatchilari komandasi o‘quv jarayonini tashkil etish, ish sifatini baholash mezonlari va nazorat tartib-qoidalarini ishlab chiqishda yordam berishga tayyor. Shuningdek, ular belgilangan maqsadlarga erishish uchun zarur bo‘lgan treninglarni yaratishda ko‘maklashadi.
Ushbu yechimning asosiy afzalliklaridan biri operatorlar uchun tezkor qayta aloqa va supervizorlar uchun batafsil tahlil bo‘lib hisoblanadi. Tizim statistik ma’lumotlarni to‘playdi, bu esa har bir xodimning yutuqlari va shaxsiy natijalarini kuzatishni osonlashtiradi. Ta’limni aniq maqsadlar va talablarga moslashtirish imkoniyati ham umumiy malakalarni, ham ma’lum samaradorlik ko‘rsatkichlarini (KPI) rivojlantirishga qaratilgan dasturlarni yaratish imkonini beradi.
Kecha-yu kunduz foydalanish mumkin bo‘lgan SI trenajyori operatorlarga o‘zlari uchun qulay vaqtda o‘rganish imkoniyatini ta’minlaydi, bu esa supervayzerlar va murabbiylar yuklamasini kamaytiradi. Muhim afzalligi shundaki, operatorlar personallashtirilgan o‘quv dasturlarini mustaqil ravishda o‘zlashtirib, kamchiliklarni bartaraf etishlari, bilimlardagi bo‘shliqlarni to‘ldirishlari, shuningdek, kelajakda mansab bo‘yicha o‘sishi uchun kasbiy ko‘nikmalarini rivojlantirishlari mumkin. Muvaffaqiyatli testlar yakunlangandna keyin, operatorlar o‘z mahsuldorligi, samaradorligi va motivatsiyasini oshirishga yordam beradigan amaliy ko‘nikmalarga ega bo‘ladilar. Mijozlar bilan o‘zaro munosabatlar senariylarining xilma-xilligi va o‘qitish jarayonida duch keladigan qiyinchiliklar tufayli operatorlar kasbiy charchashga chidamliroq bo‘lib, ish joyidagi qiyinchiliklarni samaraliroq yengadilar.
"Bizning yechimimiz operatorlarni o‘qitish jarayoniga yangicha yondashuvni o‘zida namoyon etadi. SI trenajyori xodimlarga haqiqiy mijozlar bilan o‘zaro munosabatlarga juda yaqinlashtirilgan simulyatsion suhbatlar orqali o‘z ko‘nikmalari va bilimlarini namoyish etish imkonini beradi. Tizim xodimning tayyorgarlik darajasi va joriy vazifalaridan kelib chiqqan holda personal dasturlarni yaratadi. Biz allaqachon mahsulotimizga bo‘lgan yuqori qiziqishni kuzatmoqdamiz – SI trenajyorining imkoniyatlarini namoyish etish bo‘yicha muntazam ravishda so‘rovlar qabul qilmoqdamiz” - deb izoh berdi U-BSS direktori Pulat Xaliulin.
Media kontaktlari
Biz barcha savollaringizga javob beramiz!
Vadim Prishchepa — V.Prischepa@bssys.com
