U-BSS kompaniyasining mijozlarga xizmat ko‘rsatishda generativ intellektdan foydalanish bo‘yicha ishlanmalari O‘zbekiston biznes auditoriyasida katta qiziqish uyg‘otmoqda
U-BSS kompaniyasi 10 oktabr kuni Toshkentda real keyslarga, shuningdek, mijozlarga xizmat ko‘rsatishda sun‘iy intellektdan foydalanish istiqbollariga bag‘ishlangan biznes nonushta o‘tkazdi. Tadbirda bank sektori, sug‘urta, riteyl, telekommunikatsiya biznesi, davlat sektorining 60 dan ziyod vakillari ishtirok etdi. Muhokama qilingan masalalar auditoriyada katta qiziqish uyg‘otdi: ma’ruzachilar va ekspertlarga mavzu yuzasidan savollar berildi, qizg‘in muhokama va tajriba almashnuvi bo‘ldi.
U-BSS ekspertlari masofaviy kanallar va jismoniy hozirlik nuqtalari orqali mashinani o‘qitish va generativ intellekt negizida nutq texnologiyalaridan foydalangan holda mijozlar bilan o‘zaro ta’sir jarayonlarini avtomatlashtirish va xizmat ko‘rsatish sifatini oshirish uchun innovatsion yechimlarni taqdim etdilar. Ishtirokchilar nutqni tanib olish, ovoz sintezi va chat-botlar sohasidagi eng yangi ishlanmalar bilan tanishish, shuningdek ularni mavjud biznes-jarayonlarga integratsiyalash imkoniyatlari bilan tanishishga muvaffaq bo‘ldilar.
Moliya industriyasi va telekommunikatsiya sohasida sun’iy intellektdan foydalanishning afzalliklarini muhokama qilishga alohida e‘tibor qaratildi. Ekspertlar bunday yechimlarni muvaffaqiyatli joriy etish keyslari bilan o‘rtoqlashdilar va ular mijozlar tajribasini yaxshilash, kompaniyalarning biznes jarayonlari samaradorligini oshirish, mahsulot hamda xizmatlarni sotish hajmini oshirishga qanday yordam berishi haqida gapirib berdilar.
Shunday qilib, Anorbank Kontakt-markazi Departamentining direktori Nodirxo‘ja Rixsixo‘jaev rus va o‘zbek tillarida virtual yordamchini joriy etish yutuqlari bilan o‘rtoqlashdi. Bir necha yildirki, mijozlarning barcha qo‘ng‘iroqlariga aqlli ovozli yordamchi tomonidan ishlov beriladi, yaqinda esa robot, metodik ravishda, lekin muloyimlik va sabr bilan qarzdorlarga qo‘ng‘iroq qilib, ularga qarzlar haqida eslatib turish orqali undirish xizmatiga yordam bera boshladi. Aqlli ovozli yordamchidan tashqari bankda robot va operatorlarning mijozlar bilan barcha aloqalarni tahlil qiluvchi va xizmat ko‘rsatish sifatini sezilarli darajada yaxshilashga yordam beruvchi nutq tahlilidan foydalaniladi.
Masofaviy kanallarda mijozlarga xizmat ko‘rsatishni raqamlashtirish mahsulotlari bo‘yicha direktor Yuliya Vdovina jahon va O‘zbekistonda mijozlarga xizmat ko‘rsatish trendlari, generativ SI ni qo‘llash sohalari qanday kengayayotgani va uning xizmat ko‘rsatish samaradorligini oshirish hamda mijozlarning sodiqligini oshirishga nechog‘lik ta’sir ko‘rsatishi haqida gapirib berdi. Uning hamkasbi, U-BSS preseyl yo‘nalishining rahbari Mixail Voronin kompaniyaning ba’zi mijozlari tomonidan allaqachon foydalanilayotgan generativ intellektdan foydalanishning real keyslarini namoyish etdi.
Ipoteka-bank omnikanallikni rivojlantirish bo‘yicha direksiyasi direktori Ilyos Mirmanov yangi bank mobil ilovasini eng qisqa vaqt ichida va minimal xarajatlar bilan qanday qilib ishga tushirish mumkinligi haqida gapirib berdi. Mobil ilova React Native platformasida ishlaydi va sanoatda foydalanishning bir yili davomida u yangi funksionalga ega bo‘ldi va bank mijozlari orasida mashhur bo‘lib ketdi.
U-BSS hamkori – bilimlarni boshqarish platformasini ishlab chiqqan kompaniya (bilimlar bazasi yoki knowledge manage system — KMS deb ham ataladi) mahsulotning so‘nggi versiyasini taqdim etdi, unda allaqachon RAG texnologiyasi qo‘shilgan GPT ishlatiladi (gallyutsinatsiyalarni (javoblarni to‘qishni) istisno qilish va javoblarni cheklangan hajmdagi hujjatlar bo‘yicha qidirishga imkon beradi). Ma’ruzachi – Roman Levchenkov butun kompaniyada yagona bilimlarni boshqarish markazidan foydalanishning asosiy afzalliklarini yoritdi.
AVO Bankning “bilimlar bazasi” mahsuloti prodakt-ouneri Farrux Tursunxo‘jaev esa zamonaviy bilimlar bazasi tufayli operatorlar, telemarketing xizmati va soft-collection uchun vositani joriy etish va rivojlantirish orqali nafaqat mijozlarga xizmat ko‘rsatishni sezilarli darajada yaxshilash va tezligini qisqartirish, balki mijozlar o‘z-o‘ziga xizmat ko‘rsatishlari uchun faol foydalanib, aloqa markazi va bank bo‘limlariga tushadigan yukni ham kamaytirishga muvaffaq bo‘lganliklari haqida so‘zlab berdi.
“Biz hamkorlarimiz va mijozlarimiz uchun shunday muhim tadbirni o‘tkazishdan xursandmiz. Nutq texnologiyalari va masofaviy bank xizmatlarini ko‘rsatish zamonaviy biznesning ajralmas qismiga aylanib bormoqda va biz mijozlarimizga ularning raqobatbardoshligi va samaradorligini oshirish uchun eng ilg‘or vositalarni taqdim etishga intilamiz ”, - deya izoh berdi U-BSS direktori Pulat Xaliulin.
Materiallar va taqdimotlar Telegram kanalimizda chop etildi.
Media kontaktlari
Biz barcha savollaringizga javob beramiz!
Vadim Prishchepa — V.Prischepa@bssys.com
