18 avgust kuni bo‘lib o‘tgan tadbirda O‘zbekiston va Turkiyaning yetakchi banklari va telekom kompaniyalari, shuningdek, Shveysariya Migros banki va Shveysariya banklari Assotsiatsiyasining vakillari ishtirok etdilar. Tadbir tashkilotchilari – Shveysariya Spitch kompaniyasi (nutq texnologiyalari jahon ishlab chiquvchilardan biri) va uning O‘zbekistondagi hamkori U-BSS kompaniyasi (mijozlarga xizmat ko‘rsatishning raqamli transformatsiyasi bo‘yicha yechimlarning tizimli integratori) mijozlarga xizmat ko'rsatishga sun'iy intellektni joriy etish va qo'llash bo'yicha o'z tajribalari bilan o'rtoqlashishga tayyor bo'lgan yetakchi ekspertlarni bita platformada to‘plashdi.
Migros Bank vakili Mark Shillerning chiqishi konferensiya ishtirokchilarida katta qiziqish uyg'otdi. Bank Shveysariyada birinchilardan bo‘lib 2020-yilda ovoz biometriyasi joriy qilgan, undan faol foydalanmoqda va Spitch mutaxassislari bilan birgalikda uning funksionali va qo‘llanish sohasini kengaytirmoqda. Uning so‘zlariga ko‘ra, aloqa markaziga qilingan murojaatlarning 50%-60 foizida xizmat ko‘rsatishni davom ettirish uchun mijozning identifikatsiyasi talab qilinadi. M. Shiller nemis (jumladan, Shveysariya nemis tilida), fransuz va italyan tillarida gaplashuvchi 100 mingga yaqin bank mijozlari o‘z ovozi namunasini ixtiyoriy ravishda taqdim etib servis sifati va qulayligini yuqori baholaganini qayd etdi. Ovoz biometriyasidan foydalanish paytida birorta ham firibgarlik hodisasi qayd etilmagani fakti esa xavfsizlikning eng yuqori darajasidan dalolat beradi. Ovoz biometriyasi nutq tezligi, tembr, intonatsiya va boshqalarni o'z ichiga olgan 100 dan ortiq parametrlardan foydalangan holda identifikatsiyani amalga oshiradi.
U-BSS vakili Yuliya Vdovina raqamlashtirish haqida gapirar ekan, hozirda mijozlarga xizmat ko'rsatish va sotish modelining transformatsiyasi yuz berayotganini ta'kidladi, u mijozlarning foydalanish va aloqa afzalliklari asosiga quriladi. Ushbu yondashuv yangi xizmat ko'rsatish formatlari va texnologiyalarini shakkllantiradi, masalan: xizmat ko'rsatish nuqtalarida an'anaviy xizmat ko‘rsatishdan raqamli – phygital ga o'tish, turli servislar va xizmat ko'rsatish kanallarining sinergiyasi, taxmin modellarining rivojlanishi va sifatni yo'qotmasdan robotlashtirish. Ushbu jarayonda aloqa markazidan asosiy savdo kanaliga aylanib borayotgan aloqa markaziga tobora muhim rol berilmoqda.
Konferensiya ishtirokchilari virtual ovozli yordamchilar va chat-botlar yordamida mijozlarga xizmat ko‘rsatishni avtomatlashtirish, aloqa markazlari va bo‘limlardagi barcha aloqalarni robotlashtirilgan tahlil qilish, ovoz biometriyasidan foydalangan holda kengaytirilgan masofaviy xizmatlar – mijozlarga xizmat ko‘rsatish sohasiga mustahkam kirib kelgan haqiqat ekanligini ta’kidladilar.
Ilg‘or so'zlashuv SI texnologiyalarini joriy qilgan yoki joriy etayotgan kompaniyalar tezlik, xizmat ko'rsatish samaradorligi va mijozlar mamnunligi nuqtai nazaridan bir qadam oldinda yurmoqdalar. Va bunday kompaniyalar nafaqat mijozlarning sodiqligi uchun raqobatda o'zlari uchun afzalliklarni yaratadilar, balki, aslida, o'z mamlakatlaridagi butun bozor uchun yangi o'yin qoidalarini shakllantiradilar hamda uning yetakchilariga aylanadilar.
